Vimianzo esta fin de semana, e Cambre o vindeiro, acollen cadansúas xornadas dedicadas ao mundo castrexo. En Vimianzo, investigadores galegos, portugueses e españois debaterán cuestións como a pluralidade dentro do mundo castrexo, a organización e construción dos poboados ou a relación dos seus habitantes co medio, entre outros temas. As Xornadas sobre investigación, didáctica e comunicación da Idade do Ferro desenvolveranse entre hoxe e o domingo na Casa da Cultura local.
En Cambre, pola súa banda, os vindeiros 6 e 7 de outubro celebran as X Xornadas Castrexas que se centrarán este ano no depósito de Pedra Furada e mais no traballo de investigación arqueolóxica da Torre dos Mouros, en Carnota.
