Vigo acollerá a segunda edición do Festival Polipoético

Os locais La Fiesta de los Maniquíes e mais Detrás do MARCO acollerán o vindeiro 20 de outubro a segunda edición do Festival Polipoético de Vigo. O proxecto, que se celebra a coincidir coa morte de Kerouac, conta xa coa presenza de A Máquina do Tempo, Samuel L. Paris, o Dj Sergio Lagartija, o colectivo madrileño Rindodo, o brasileiro Nelson Muñiz e o portugués Tiago Gomes. Os interesados en participar teñen ata o 30 de setembro para enviar as súas propostas.