Destrozan unha mámoa cunha excavadora en Pinzás, Tomiño

Uns descoñecidos armados cunha escavadora destrozaron case totalmente unha mámoa na parroquia de Pinzás, Tomiño. O arqueólogo e profesor Gustavo Pascual Hermida descubría o pasado día 11 de setembro o atentado, que xa denunciou ante Patrimonio. Ao parecer, o destrozo produciuse de xeito consciente e sistemático, e especúlase coa posibilidade de respondese á busca dos supostos tesouros que, segundo a tradición popular, se agocharían nestes monumentos. A idade da mámoa destrozada roldaría os 6.000 anos.