Polémica pola destrución dunha mámoa no Carballiño

O grupo Ecoloxista Outeiro, do Carballiño denunciou ante a fiscalía a destrución dos restos dunha mámoa en Ardesende, San Cristovo de Cea. Tal e como figura na documentación achegada por este colectivo, o lugar que ocupaba o monumento foi substituído por unha planchada de formigón sobre o que se situaron unha mesa e varios bancos. As pedras que se conservavan da cámara funeraria figuraban no catálogo de patrimonio da Xunta de Galicia, e polo momento non se coñece quen é responsable da obra que as destruíu.