Servizos Centrais chámase agora Centro de Innovación Cultural e Modernización Tecnolóxica de Galicia. Desde hoxe é a sede da Fundación Cidade da Cultura que acaba de completar o traslado ao novo edifico, que compartirá en breve coa Axencia para a Modernización Tecnolóxica de Galicia (AMTEGA). Deste xeito comeza a redenominación dos edificios deste complexo, acorde cos novos usos establecidos no Plan Gaiás. O edificio do Arquivo (que agora se integra coa biblioteca) pasarase a chamar Centro de Emprendemento Creativo de Galicia e será a vindeira sede de AGADIC.
