A Secretaría Xeral de Innovación tamén se trasladará ao Gaiás

Os cento cincuenta traballadores da Secretaría Xeral de Innovación compartirán espazo na Cidade da Cultura cos empregados do Arquivo de Galicia. O Consello da Xunta aprobaba onte o traslado desta entidade ao Monte Gaiás, que se suma á xa anunciada instalación nestas instalacións do Centro de Datos Integral da Xunta. Segundo explicou o presidente da Xunta, con estas medidas o complexo acollerá "a vangarda tecnolóxica" do goberno. Con estes traslados, calcúlase un aforro anual de 3 millóns de euros para a Administración Autonómica.