Talía Teatro presenta a programación da que será a ultima mostra de teatro de cee

Cinco funcións diarias a cargo de dezanove compañías, catro días de certame, vinte e cinco anos de celebración ininterrompida e un adeus. Estes son os sinais de identidade da vindeira Mostra de Teatro de Cee, un encontro organizado por Talía Teatro desde hai un curto de século que celebrará do 23 ao 26 deste mes a última edición. Os motivos concrétanse no desgaste que produce a dificultade de conseguir apoios para levar adiante este encontro ante o adiamento continuado de pagamentos por parte da administración local, así como a imposibilidade de optar ás axudas da consellaría de Cultura para festivais ao non cumprir os requisitos (un orzamento mínimo de 50.000 euros e un mínimo de 15.000 en contratación). Esta última edición, comezará coa representación de Pequena, espectáculo para público infantil a cargo de Talía Teatro e nela estrearase Cipriano de Bequelar da compañía Carrachanacha. Actividades de rúa, programación para adultos e pequenos completan o que será irreversiblemente, a última edición deste evento.