Talía Teatro alerta da dificultade de continuar coa Mostra de Teatro de Cee

O orzamento da última edición da Mostra de Teatro de Cee, a número 24, rondaba os 25.000 euros, co apoio do concello, a Deputacion e a Xunta. A tardanza dos pagamentos e os criterios dos apoios son algúns dos motivos esgrimidos pola compañía organizadora, Talía Teatro, para alertar de que este ano podería ser a última. Segundo publica hoxe El Correo Gallego, a dificultade orzamentaria e o “desinterese total” das administracións poñen en perigo este evento. Tal e como informa este medio, a edición deste ano poderase celebrar, pero contará cun menor número de xornadas.