Este ano non haberá Mostra de Ciencia e Cinema. Este evento dedicado á novena arte científica non chegará a súa quinta edición por mor de "problemas orzamentarios" segundo adianta a Asociación de Amigos da Casa da Ciencias no web do evento. A edición estaba programada para o vindeiro mes de novembro, e segundo recolle El Ideal Gallego a tardanza do Concello en verificar o seu apoio ao programa fai que non teñan tempo para preparar a nova xeira.
Ao tempo, a pasada fin de semana a organización do festival Manicómicos anunciaba que tampouco haberá edición en 2012, logo de doce anos de existencia, por mor da retirada de apoio económico do Concello. Segundo anunciaba El País a cámara municipal anunciou a celebración dun evento alternativo, Faranduleando, que achegará 72 funcións de teatro, circo e danza aos barrios da cidade.
