A Asociación de Amigos da Casa das Ciencia presenta esta tarde no FNAC da Coruña a I Mostra de Ciencia e Cinema, que transcorrerá entre o 22 e o 25 deste mes. Este novo encontro conta con 13 filmes desta temática que competirán por un primeiro premio de 6.000 euros e un segundo de 3.000. Ademais, celebrarase un ciclo de clásicos de ciencia ficción no FNAC e proxeccións sobre cine e ciencia no Centro Galego de Artes da Imaxe. Documentais galegos, un obradoiro de guión para documentais científicos, teatros, coloquios, exposicións e sesións de astronomía urbana completan o programa.
