Capa de Titoán, de Inacio e Iván Suárez
A obra gañadora do Premio Castelao de Banda Deseñada 2011 verá finalmente a luz este mes de agosto. Demo Editorial acaba de anunciar no seu blog a vindeira edición de Titoán, de Inacio e Iván Suárez. A obra, de 64 páxinas, parte dun relato curto de Castelao e intégrase na colección de BD que os autores lle dedican ao rianxeiro. Con 64 páxina a branco e negro, sae á venda a un prezo de 12 euros. Canda a esta obra, chegará ás librarías, Cousas de mortos, unha escolma das historias breves de Manel Cráneo protagonizadas por esqueletes. Serán 64 páxinas a cor a un prezo de 13,50 euros.
