A Festa da Istoria reduce un día a súa duración

Por terceiro ano consecutivo, a Festa da Istoria de Ribadavia axusta o seu programa pola crise. Segundo adianta hoxe La Región o evento reduce a súa duración de tres a dous días e prescinde dos certames de fotografía e de pintura rápida. A celebración, que se desenvolverá os días 24 e 25 de agosto, contará coa colaboración de medio millar de voluntarios e mantén citas como o desfile, o baile medieval, o torneo ou a voda xudía. A organización, no entanto, apunta que está aínda pendente da confirmación de subvencións comprometidas para sufragar o evento.