É unha das festas clásicas do final do verán galego e xa comezou hoxe con actividades e música, pero o día grande será mañá. A Festa da Istoria de Ribadavia, decana nas festas de caracterización histórica, devolverá mañá o casco vello da vila ourensá á Idade Media. Desfiles, a voda xudía, torneos, baile medieval ou xadrez vivinte serán algunhas actividades que se desenvolverán. Coma sempre, mellor ir de época.
