Ribadavia e Pontevedra ultiman as súas festas históricas

Quedan só dous días para que comece a celebérrima Festa da Istoria de Ribadavia. Entre o 27 e o 29 de agosto, a vila do Ribeiro acollerá actuacións, obradoiros, danza, a representación dunha voda xudea e todo tipo de actividades de recreación histórica. Pola súa banda, en Pontevedra arrincan hoxe as VI Xornadas de Historia, un programa previo á Feira Franca que se celebrará a primeira fin de semana de setembro. Desta volta, tanto a festa coma as xornadas teñen como eixe a situación da lingua durante a Idade Media.