A Festa da Istoria elimina os certames de fotografía e pintura pola baixada do orzamento

Os vindeiros 24 e 25 de agosto, Ribadavia converterase, por vixésimocuarta edición nunha capital medieval. E para a celebración da súa Festa da Istoria contará con 53.000 euros menos, unha baixada dun dez por cento con respecto á anterior edición. Iso implica cambios no programa, que ve como desaparecen os certames de fotografía e pintura e un cambio de datas da celebración da procesión da Insquisición e a representación teatral do Malsín (agora o venres ás 22:00 e 23:00 horas respectivamente). Con todo, a festa medieval máis estendida e popular de Galicia volverá contar con teatro, pasarrúas, vodas xudías, bailes, torneos e exhicións que converterán a Ribadavia, durante dous días, nunha auténtica vila medieval.