O presidente da Xunta ofrece colaboración nas medidas "de custodia e blindaxe" do Códice Calixtino

O presidente da Xunta, Alberto Núñez Feijóo, manifestou onte a súa satisfacción pola recuperación do Códice Calixtino e ofreceu a "colaboración" do goberno galego para as medidas "de custodia e blindaxe" que se establezan para preservar o Códice Calixtino. Onte pola tarde o Códice xa foi revisado onte no propio Arquivo catedralicio, onde se certificou que é o orixinal e que se atopa en bo estado de conservación. Dous dos detidos -o fillo do acusado principal e a súa moza- xa foron postos en liberdade.