Tres detidos polo roubo do Códice Calixtino

A Policía levaba meses seguíndoos e interceptando chamadas, pero non foi ata onte cando se practicou a detención do electricista Manuel Fernández Castiñeira, a súa muller e o seu fillo como supostos autores do roubo do Códice Calixtino da Catedral. A Policía efectou rexistros en varios domicilios vinculados á familia, en Negreira e no Grove, e nun deles localizou unha cantidade de diñeiro próxima ao millón de euros, moedas e obxectos artísticos vinculados á Catedral. O Códice Calixtino, sen embargo, segue sen aparecer e o acusado non confesa se cometeu o delito e a ubicación do manuscrito.