Desaparece o Códice Calixtino da Catedral de Santiago

O Códice Calixtino, unha das xoias bibliográficas de Galicia, foi substraído da súa caixa forte nalgún momento entre o domingo pasado e o martes ás 20:00, cando responsables do Arquivo Catedralicio se decataron de que o códice non estaba na súa caixa forte. A última vez que se sacara dela fora hai dous meses, durante unha visita de técnicos do Ministerio de Cultura pero fontes do Cabido declararon a La Voz de Galicia que o roubo puido efectuarse o domingo pola tarde. A Policía está a traballar nestes momentos e é posible que hoxe o Cabido catedralicio faga algunha declaración pública.