Imaxe de Grandes Miradas desde Caaveiro
O mosteiro de Caaveiro, en plenas Fragas do Eume acollerá a actividade Grandes miradas dende o Eume, coordinada por Gabriel Tizón. O proxecto consiste en catro clases maxistrais a cargo doutros tantos fotógrafos de primeira liña, como son Cristina García Rodero, Alberto García-Alix, Ricky Dávila e Vari Caramés. Comezarán o trinta de xuño e desenvolveranse, en horario de mañá e de tarde, os vindeiros tres sábados. Como remate da actividade publicarase un libro con fotografías de todos os participantes na actividade.
O presidente da Deputación da Coruña, Diego Calvo, sinalou que esta actividade inicia unha nova etapa no emprego deste conxunto monumental como centro cultural.
