Cristina García Rodero, Sarracin de Aliste, Zamora, España, 1990 © Cristina García Rodero / Magnum Photos
Os seus nomes xa son míticos na historia da fotografía contemporánea. Eve Arnold, Inge Morath e Cristina García Rodero son as protagonistas da mostra "Tres mulleres Magnum", que se inaugura mañá na Fundación Luís Seoane da Coruña. A mostra, producida polo Centro Niemeyer de Avilés en colaboración coa Axencia Magnum, estará aberta ata o 15 de xaneiro de 2023 e contén unha escolma de obras das tres fotógrafas. Eve Arnold prestou atención aos cambios sociais nos Estados Unidos e ao mundo do espectáculo desde 1951, Inge Morath atendeu a fotografía a pé de rúa e aos retratos de grandes figuras da cultura e Cristina García Rodero esculcou nas tradicións e ritos populares.
