Nace Lega, unha proposta de lecer en galego

Achegar propostas de lecer na nosa lingua en áreas nas que está maiormente ausente. Esta é a intención coa que nace Lega (Lecer en Galego), última proposta de GalegoLab que se presentaba onte. Un curso de astronomía, os videoxogos Frozen Bubble e Childsplay en galego, unha versión subtitulada do filme de animación Sintel e mais Galegogym, um CD de música de grupos do país pensado para empregar no ximnasio. Canda a isto, o proxecto oferta unha distribución en galego de Ubuntu, sistema operativo totalmente gratuíto que serve de base para executar os programas de astronomía. O proxecto prevé continúar achegando novos contidos en breve.