Miguel Porto participa nunha antoloxía premiada en Alemaña

A antoloxía internacional Neufundland, que conta coa colaboración do vigués Miguel Porto, acaba de levar o premio do xurado no Cómic Clash, un dos principais encontros de BD de Alemaña. Pola súa banda, está xa na rúa Thermozero Cómics número tres, no que recunca José Domingo cunha nova historia do seu personaxe Superbarbarian. Ao tempo, David Rubín anunciou a súa contribución cunha historia curta á banda deseñada que incluirá a edición en DVD do filme Diamond Flash de Carlos Vermut.