Medra a presenza de autores galegos de BD en obras colectivas

Cristal é a historia coa que David participa na antoloxía Cortocuentos, sobre un guión de Chema García. Pola súa banda, na cuarta entrega do fanzine Kovra atopamos senllas historias de Roque Romero e Andrés Magán. Ao tempo, da man de Diábolo edicións, está xa na rúa 14 historietas de vampiros, un volume colectivo no que o vigués David Braña asina o guión dunha das historias. Continúa, ao tempo, a colaboración de Miguel Porto na revista Mongolia, onde ilustra un guión de Jorge Riera.