Espectáculo da anterior edición. Foto: Mostra de Teatro de Cangas
A 29ª Mostra Internacional de Teatro Cómico e Festivo de Cangas inaugúrase o sábado 30 e ata o 7 de xullo encherá Cangas de representacións humorísticas, teatro de rúa e de interior. Compañías galegas, catalanas, vascas, madrileñas, australianas, ucranianas ou portuguesas concorren con espectáculos de sala a esta edición. A maiores, en colaboración coa Asociación de Actores e Actrices de Galicia, organízanse obradoiros profesionais sobre a Escrita, con Santiago Cortegoso, e sobre Dramaturxias e novas linguaxes escénicas, por Afonso Becerra de Becerreá.
