As bandeiras azuis son outorgadas por unha fundación privada e non pola Unión Europea. E miden a calidade das augas e os servizos dos areos, pero non a súa relevancia medio ambiental. Así o defenden os ecoloxistas de ADEGA, que denunciaron esta fin de semana que a adecuación e limpeza dos areais de Coroso (Ribeira) e A Corna (Pobra do Caramiñal) con medios mecánicos afectou ao hábitat e á nidificación de especies en perigo de extinción, como a píllara das dunas, ou a especies vexetais endémicas das dunas litorais. Segundo declarou a El País Sabela Iglesias, responsable de Litoral da asociación ecoloxista Verdegaia, "Medioambientalmente, estes premios non significan nada; máis ben moitas obras e estropicios fixéronse en praias co fin de acadar a bandeira azul, sen ter en conta o desastre que causaban".
