O empioramento na calidade das augas e mais nos servizos provocaron que trece areais galegos perdesen a Bandeira Azul que certifica o seu bo estado con respecto ao pasado ano. No entanto, o feito de que outros areais accedesen por vez primeira a esta distinción deixou a perda neta en sete praias, co que o paÃs segue a ser comunidade con máis bandeiras do Estado neste ano. En concreto son 51 areais en Pontevedra, 47 na Coruña e 19 en Lugo os que contarán con este distintivo. Entre as perdas atópanse casos tan destacados como a coñecida praia das Catedrais, preto de Ribadeo, que cede a súa enseña. En canto a portos deportivos, son 13 os que contarán co distintivo, tres máis do que nos doce meses anteriores.
