A Asociación Xistra reúne en Vigo a gaiteiros de toda Europa

Gaiteiros da Bretaña, Suabia (Alemaña), Rumanía, Cerdeña, Languedoc, Baleares e Croacia participan entre hoxe xoves e o domingo no evento "Galicia nas Terras da Gaita", coa que a Asociación Gaiteiros da Xistra conmemora 30 anos de existencia da entidade. As xornadas desenvolveranse en colexios, conservatorios, escolas de música e asociacións, pero un dos puntos fortes será o festival que se celebrará o sábado en Vigo, onde participarán os grupos internacionais convidados.