O Consello da Cultura Galega analiza a cultura como forma de poder

A Illa de San Simón acolle entre hoxe xoves 7 e venres 8 de xuño as xornadas "Poder brando e diplomacia cultural", que teñen por obxectivo "aprehender as claves esenciais da cultura entendida como nova forma de poder" e "afondar no coñecemento de experiencias de diplomacia cultural" co obxectivo de identificar os trazos esenciais e de maior potencialidade da cultura galega "a efectos da súa promoción exterior". Entre os especialistas reunidos, participarán Flavio Wolf de Aguiar, Manuel Martínez Justo ou os galegos Xulio Ríos, Antón Reixa e Xosé Ballesteros.