O Consello da Cultura organiza un encontro sobre diplomacia cultural

Poder brando e diplomacia cultural en Galicia é o título do encontro que convoca para os vindeiros xoves e venres o Consello da Cultura na Illa de San Simón. O encontro céntrase nas posibilidades da cultura como nova forma de poder e de influencia, e quere identificar os trazos de maior potencial do noso país neste campo e analizar as posibilidades de desenvolvermos unha diplomacia cultural propia. Representantes do Instituto Galego de Análise e Documentación Internacional (IGADI), dos sectores editorial e audiovisual, da Asociación Mexicana de Estudios Internacionales ou o director da da Cátedra Unesco Políticas Culturais e Cooperación, Alfons Martinell Sempere, participan no evento.