A Consellaría de Cultura facía públicas onte as contías dos convenios que asinou con diferentes entidades ao longo dos primeiros catro meses deste ano. Por asignación, encabeza a listaxe, a Fundación Cela, que recibiu da institución máis de 265.000 euros "para instrumentar a subvención nominativa" prevista nos orzamentos. No campo da normalización lingüística foi a Confederación de Empresarios de Galicia, que levou 50.000 euros. O Consello da Cultura Galega, con 36.000 euros e mais a Federación Española de Relixiosos de Ensins, con 35.000, son os seguintes en canto a contías.
Destaca tamén o apoio ao programa Preescolar na Casa, que ten asignados 25.000 euros e que, precisamente onte, presentaba concurso de acreedores pola súa mala situación económica.
