A recuperación do Teatro Coliseo Noela, con 307.759 euros, é a iniciativa que conseguiu un maior investimento vía convenio coa Consellaría de Cultura no último cuadrimestre. Así o sinala a listaxe dos acordos que asinou este departamento con diversas entidades e que publica hoxe o Diario Oficial de Galicia. Canda a este proxecto, a axuda a servizos de comedores escolares e ao apoio a persoas con discapacidades concentran as maiores achegas. A nivel cultural, un convenio coas dióceses galegas polo que se destinan 97.428 euros á protección seu patrimonio artístico e mais os traballos do Centro de Interpretación de San Cibrán de Las son os principais beneficiarios.
Na mesma listaxe recóllense as axudas da Consellaría aos medios de comunicación pola promoción do galego, que totalizan 230.000 euros distribuídos entre Faro de Vigo, El Progreso, La Opinión, a editorial La Capital e mais as axencias EFE e Europa Press.
Na mesma listaxe recóllense as axudas da Consellaría aos medios de comunicación pola promoción do galego, que totalizan 230.000 euros distribuídos entre Faro de Vigo, El Progreso, La Opinión, a editorial La Capital e mais as axencias EFE e Europa Press.
