Imaxe de presentación de Dandylady
O pasado mes de marzo Dandylady, o dúo composto por Iria Pinheiro e mais Jesús Tejada, estreaba Dessassossego. Esta proposta de poesía escénica inspírase no Livro do Dessassossego de Fernando Pessoa, a cuxos poemas acompañan textos de seis poetas galegas e tres foráneas (Branca Novoneyra, Olalla Cociña, Lupe Gómez, Lucía Aldao, Sther F. Carrodeguas, Xiana Arias, Luci Romero, María Salgado e Adília Lopes) arredor da idea de desacougo.
Na posta en escena, canda a música composta de xeito espefíco para cada texto, a compañía aproveita tecnoloxía dos anos setenta como un proxector de diapositivas, un radiocassette ou unha máquina de escribir e introduce rexistros sonoros ambientais. Logo da estrea en Brión, o espectáculo puido verse na sala La Tuerka 27, da Coruña e mais no pub Modus Vivendi, de Compostela, dentro do ciclo Picaversos.
