Imaxe de Buxiganga
Un total de 24 compañías galegas participan na edición deste ano do proxecto Buxiganga, que presentaba esta mañá Mario Outeiro, delegado da Área de Cultura e Turismo da Deputación de Lugo. O proxecto achegará un total de 69 representación en diferentes localidades, que comezaron a súa andaina o pasado día 18 en Ribadeo e continuará ata o final do ano. Canda ás actuacións, Buxiganga inclúe tamén nove accións formativas entre as que están obradoiros sobre escrita dramática (a cargo de Rubén Ruibal), interpretación diante da cámara (Óliver Laxe e Magdalena Arau), interpretación (María Barcala) e cabaré (Nelson Quinteiro).
