A Deputación de Lugo renova o seu compromiso co teatro co proxecto Buxiganga

Buxiganga é un proxecto didáctivo teatral que naceu no 2009 co obxectivo de pór en valor o teatro afeccionado da provincia de Lugo. A iniciativa contaba con circuítos de exhibición gratuítos por todos os concellos lucenses, ademais de actividades de formación a todas as persoas interesadas. Dúas liñas que se manteñen e reforzan na segunda edición do proxecto que acaban de presentar desde a Área de Cultura da Deputación de Lugo e que financia con 72.000 euros. O programa desenvólvese en dúas etapas: unha primeira que vai do 10 de abril ao 10 de xullo, e unha segunda que vai entre o 4 de setembro e o 27 de novembro.