Unha mostra recupera obras de Laxeiro de coleccións privadas

Vinte e catro obras de Laxeiro que estaban espalladas en coleccións particulares poden verse desde hoxe e ata o vindeiro 20 de xullo na Capela de Santa María de Lugo. A mostra Laxeiro. Cosmoloxías abre as súas portas da man da Deputación e presenta, baixo o comisariado de Javier Pérez Buján, unha selección de traballos que o pintor realizou entre 1954 e 1974 e que son en moitos casos pouco coñecidos.