Ponte... nas Ondas! ultima a súa XVIII Edición

O Verbum de Vigo acolle este 25 de maio a X Mostra da Oralidade Galego Portuguesa, un evento que, co lema Contamos no mundo, céntrase desta volta na narración oral e contará con contacontos e mesas redondas sobre historias populares de diferentes países da Lusofonía. O evento dá saída ás actividades deste ano de Ponte... nas ondas!, que celebrará a XVIII Edición da súa xornada multimedia coa participación de escolas de Galicia, Portugal ou Brasil e que se celebrará o vindeiro 1 xuño, tamén coa narración oral como eixe.