A xestión de museos en tempos de crise e as súas estratexias de comunicación a través das ferramentas web e das redes sociais son os temas que centran a 17 edición das Xornadas DEAC. Co lema Museos en crise? Novos retos, novas oportunidades representantes de centros de todo o estado e investigadores no campo da museoloxía visitarán os diferentes centros da Rede Museística da Deputación de Lugo e analizarán ámbitos como a educación e os museos nos social media, a acción social deste estes centros ou as posibilidades de cooperación entre os mesmos.
Representantes da Rede Museística Provincial, canda a delegados do IVAM de Valencia e mais do Museo do Prado foron os responsables de coordinar este encontro.
