A Fundación Premios da Crítica de Galicia relanza os seus galardóns

Un libro que recollerá a evolución da cultura galega desde 1978. Mesas redondas para analizar os diferentes sectores creativos do país. Un encontro de todos os premiados desde o nacemento da iniciativa. A Fundación Premios da Crítica de Galicia acaba de convocar a edición 2012 dos seus galardóns cunha batería de actividades para potenciar este proxecto. A convocatoria faise nas categorías de creación literaria, investigación, música, iniciativas culturais, artes plásticas e visuais, e mais artes escénicas e audiovisuais, e a entrega farase o vindeiro 20 de outubro en Vigo. A Fundación anunciou tamén a inminente apertura do seu novo espazo web.