Fonte: Luís Seoane
Luís Seoane realizou en dúas vagas, en 1965 e 1976, unha impresionante serie de xilografías e gravados nas que reproduce un dos seus maiores intereses: a construción dun imaxinario artístico fundamentado na mitoloxía e na Galicia medieval. Agora, a Fundación Seoane da Coruña expón ata o 15 de outubro 72 pezas vinculadas ao proceso creativo dos seus Bestiarios, desde as obras orixinais ata probas de imprenta e as fontes documentais que empregou para a súa realización. "Animais dotados de cualidades divinas e humanas", suliñan na presentación da exposición.
