Os 3.000 euros do VI Premio Diario Cultural de Teatro Radiofónico foi para a obra Poema sinestésico para tres voces e un can, de Eva F. Ferreira. Un discurso provocador, que experimenta cos recursos radiofónicos e que "indaga na actitude de quen escoita, e lonxe de asentarse no previsible provoca unha emoción inesperada” son algúns dos mérito que o xurado valorou na obra gañadora. Canda a este traballo, o público seleccionou Intercom-baby, de Marián Bañobre e Santiago Cortegoso, que levará un premio da mesma contía.
Canda a estas obras, as finalistas Ironías, de Carlos Losada Galiñáns, e Quendas, de Zé Paredes, serán editadas da man de Xerais nun libro-CD. O Salón Teatro de Compostela acollerá o vindeiro 15 de maio a entrega dos galardóns.
