Mauro Trastoy. Cuadro para peinar. 2011. Bastidor, esteira e corda de cánabo, 80x40x10 cm. Cortesía do artista.
Mauro Trastoy incorporouse ao catálogo de artistas de Atalaia, o soportal de arte contemporánea de culturagalega.org. O artista inaugura hoxe a súa mostra 1+1+1+, no espazo santiagués FAC A Peregrina na que presentará un repaso polos seus últimos cinco anos de traballo, ata chegar á súa serie máis recente, os seus emblemáticos Cuadros para peinar. Nado en 1971 no Ferrol, reside desde hai anos en Santiago de Compostela. Formóuse na Facultade de Belas Artes de Salamanca, e disfrutou de bolsas e residencias artísticas nas cidades alemanas de Kassel (1994), e Passau (2006). A súa actividade expositiva comezou no principio dos anos 90 e desde entón vén desenvolvendo unha liña de traballo na que combina as achegas a unha persoal noción do debuxo e unha práctica escultórica na que conflúen aspectos do minimalismo e da arte povera. A través de materiais cotiáns -papel, madeira, papel, corda, arame-, e de estudos formais, de estruturas, módulos, repeticións e variacións, emerxen afinidades e contrastes entre o xeométrico e o orgánico, os microcaos da natureza e a orde interna do construtivo.
