Anuncio en La Región de Enrique Lista
O soportal de arte contemporánea Atalaia acaba de incorporar aos seus contidos o traballo do artista malpicán Enrique Lista. O traballo deste creador caracterízase por empregar o humor como arma para criticar e analizar a estruturas do sistema artístico actual, desde os aspectos económicos ata os procesos de difusión. Na súa obra atopamos propostas conceptuais como a publicación de anuncios en prensa ou a exposición pública de textos, sen esquecer propostas máis acaídas para a exposición. Logo de participar na última edición de ARCO coa galería Adhoc, para o vindeiro mes de maio prepara unha mostra no espazo compostelán Zona C.
