Bailar con Gharbo!

Os vindeiros 10 e 11 de maio o Teatro Rosalía de Castro da Coruña acolle a estrea da que será a única coprodución do Centro Coreográfico Galego para esta temporada. Gharbo! é un espectáculo realizado pola compañía Contra2 que contou coa colaboración técnica do Centro, que tamén achegou elementos de atrezzo e vestiario, así como asesoramento. O espectáculo parte de elementos da danza tradicional fusionándoos outras disciplinas como a danza moderna ou mesmo o flamento. Iván Villar é o director artístico e comparte escenario con Pastor Rodríguez mentres Nelson Quinteiro corre coa dirección musical e participa tamén nas táboas. Mentres non chega a estrea, achegámosche unha mostra do espectáculo neste vídeo.