O Centro Coreográfico e Contra2 presentan Gharbo!

Gharbo! é o título da única coprodución que abordaro este ano o Centro Coreográfico Galego. Desta volta o proxecto desenvólvese en colaboración coa compañía Contra2, e presenta un traballo inspirado na tradición galega achegando elementos de flamenco e da danza moderna. O proxecto está dirixido por Iván Villar con dirección musical de Nelson Quinteiro. Para alén deles, que tamén interveñen nas coreografías, no escenario estará tamén Pastor Rodríguez e unha formación de catro músicos que con guitarra, zanfoña, acordeón, pedais e percusións interpretarán xotas, muiñeiras ou tangos.

A estrea do espectáculo está prevista para o vindeiro 10 de maio no Teatro Rosalía de Castro na Coruña.