Ángel Cerviño. Spider. 2003. Mixta/lenzo, 55x46 cm. Cortesía do artista.
Ángel Cerviño (1956, Lezoce, Lugo) é o novo artista incorporado aos contidos da canle de arte contemporánea ATALAIA. Cerviño, ademais de artista, desenvolve tamén unha persoal traxectoria como escritor e comisario de exposicións. Publicou os libros: El Ave Fénix sólo caga canela -gañador do XV Premio de Poesía Ciudad de Mérida-, (DVD Ediciones, Barcelona, 2009), Teleprompter (Centro Torrente Ballester, Ferrol, 2009), Kamasutra para Hansel y Gretel (Ediciones Eventuales, Madrid, 2007), e numerosos textos críticos ao redor das novas prácticas artísticas e a crecente tendencia á espectacularización da industria cultural, en revistas, catálogos e publicacións de arte contemporánea.De entre as exposicións comisariadas por Cerviño, cómpre salientar: TELEMPROPTER. Novas camuflaxes do pictórico (Centro Torrente Ballester, Ferrol, 2009), e a recente CASUS BELLI + Refutación do contexto. Conflitos de recepción na arte contemporánea (Auditorio de Galicia, Santiago de Compostela, 2011).
