A Mostra de Teatro de Ribadavia acada case 60.000 euros do Ministerio de Cultura

O Ministerio de Cultura asignou 59.000 euros para a celebración da 28ª edición da Mostra Internacional de Teatro de Ribadavia (MIT). Segundo salientou a organización do evento, a MIT é "a única institución teatral galega cunha partida específica nos Orzamentos do Estado de 2012". A MIT contará con 5.000 euros menos que na edición anterior, e segundo a organización, "procurará equilibrar este retroceso xestionando outras partidas de ingresos" coas que se leva traballando desde hai meses en previsión do descenso.