O escritor Alfredo Conde presentou a súa renuncia como membro da Fundación Rosalía de Castro, nunha carta dirixida á Presidenta da Fundación, aínda que esta renuncia deberá ser "aceptada" polo Plenario. Conde critica a xestión da Fundación, nomeadamente o feito de que, segundo el, a maior parte do orzamento de 2012 está centrado no capítulo de persoal. En declaracións a La Voz de Galicia, Conde asegurou que non ten "interese en ser presidente" nin en "conspirar contra a Fundación.
