O Ministerio de Agricultura, Alimentación e Medio Ambiente realizará ao longo deste ano unha serie de intervencións no contorno das lagoas das Gándaras de Budiño co obxectivo de mellorar a preservación do medio das pequenas lagoas e regular o acceso dos visitantes. Evitaranse os accesos a motor, construiranse pasarelas de madeira, prepararanse observatorios ornitolóxicos e deseñaranse itinerarios autoguiados. Tamén se recuperará a braña do Arroio e se eliminará a flora non autóctona.
