Medio Ambiente recuperará 746 quilómetros de camiños tradicionais

Nada menos que 746 quilómetros de vías tradicionais que atravesan o país serán recuperados no marco do proxexto Camiños Naturais de Galicia. O conselleiro de Medio Ambiente, Manuel Vázquez, presentaba o pasado sábado en Ourense esta inciativa para a que está previsto un investimento de sete millóns de euros ao longo dos vindeiros cinco anos. As rutas que se recuperarán prevén un camiño entre Muxía e Laxe, outro entre o Cabo Ortegal e Ribadeo, un terceiro entre os parques da Serra do Xurés e de Enciña da Lastra (seguindo o itinerario da Vía Nova romana) e un cuarto que unirá o campamento Aquis Querquennis, en Bande, con Foz.