O semanario Tierras de Santiago pasa a editarse en galego

Terras de Santiago é a nova cabeceira coa que, a partir de mañá, sairá á rúa o semanario Tierras de Santiago. Un acordo entre a Secretaría Xeral de Política Lingüística e mais a Editorial Compostela, responsable do medio, permitirá que a publicación saia en adiante cun maior número de contidos en galego. Segundo os datos da editora, que tamén é responsable de El Correo Galego, o semanario gratuito distribúe 30.000 exemplares en 26 concellos da comarca.